ഇറാഖിലെ അഭയാര്‍ത്ഥി ക്യാമ്പിലെ സന്നദ്ധസേവകനായ പുരോഹിതനെ പാപ്പ വിളിച്ചു

Iraqi Christians Ankawa
Share this article ->Share on FacebookShare on Google+Tweet about this on TwitterShare on LinkedInPin on PinterestEmail this to someone

ഇറാഖിലെ അഭയാര്‍ത്ഥി ക്യാമ്പുകളില്‍ കഴിയുന്നവരോടുള്ള തന്റെ അനുഭാവവും പിന്തുണയും അറിയിക്കുന്നതിനായി ഫ്രാന്‍സിസ്‌ പാപ്പ അവിടെയുള്ള പുരോഹിതനെ ഫോണില്‍ ബന്ധപ്പെട്ടു. ദക്ഷിണ കൊറിയന്‍ സന്ദര്‍ശനത്തിനു ശേഷം തിരികെയെത്തിയ പാപ്പ ആഗസ്റ്റ്‌ 19 നാണ്‌ ഫാദര്‍ ബെക്‌നം ബനോക്കയെ നേരിട്ടു വിളിച്ചത്‌. മൊസൂളിനു സമീപമുള്ള ചെറിയ ക്രൈസ്‌തവ നഗരമായ ബാര്‍ട്ടെല്ലയിലെ പുരോഹിതനാണ്‌ ഫാദര്‍ ബനോക്ക. അങ്കാവായിലെ കത്തോലിക്കാ സെമിനാരിയുടെ വൈസ്‌ റെക്‌ടര്‍ കൂടിയാണ്‌ ഫാദര്‍ ബനോക്ക. ഇറാഖിന്റെ ഉത്തര ദിക്കില്‍ ഇസ്ലാമിക്‌ സൈനികരാല്‍ പീഡിപ്പിക്കപ്പെട്ട്‌ അഭയാര്‍ത്ഥികളായി എത്തിയവരുടെ ക്യാമ്പില്‍ അവര്‍ക്ക്‌ സഹായവും പിന്തുണയും നല്‍കുകയാണ്‌ ഇപ്പോള്‍ ഫാദര്‍ ബനോക്ക. 

അഭയാര്‍ത്ഥി ക്യാമ്പില്‍ നിന്നും അയച്ച കത്ത്‌ ലഭിച്ചെന്നും അതു തന്നെ വളരെയേറെ സ്വാധീനിച്ചുവെന്നും പാപ്പ ഫോണ്‍ സംഭാഷണത്തില്‍ ഫാദര്‍ ബനോക്കയോടു പറഞ്ഞു. പാപ്പയുടെ സൗത്ത്‌ കൊറിയയില്‍ നിന്നുള്ള മടക്കയാത്രയില്‍ ഒപ്പമുണ്ടായിരുന്ന ഫാദര്‍ ബനോക്കയുടെ സുഹൃത്തായ മാധ്യമപ്രവര്‍ത്തകനില്‍ നിന്നുമാണ്‌ പാപ്പ കത്ത്‌ കൈപ്പറ്റിയത്‌. 

അഭയാര്‍ത്ഥി ക്യാമ്പിലെ ഫാദര്‍ ബനോക്കയുടെ സന്നദ്ധ പ്രവര്‍ത്തനങ്ങളെ പാപ്പ അഭിനന്ദിക്കുകയും അദ്ദേഹത്തിനു നന്ദി പറയുകയും ചെയ്‌തു. ഒപ്പം തന്റെ പിന്തുണയും സഹായവും പ്രാര്‍ത്ഥനയും അവരുടെ സഹനങ്ങള്‍ക്കു മേല്‍ ഉറപ്പായും ഉണ്ടായിരിക്കുമെന്ന്‌ ആവര്‍ത്തിച്ചു വാഗ്‌ദാനം നല്‍കുകയും ചെയ്‌തു. 
ആയിരക്കണക്കിനു ജനങ്ങളുടെ സഹനത്തെയും ദുരിതത്തെയും പ്രതിപാദിച്ച്‌ ഫ്രാന്‍സിസ്‌ പാപ്പയ്‌ക്ക്‌ അയച്ച കത്തിന്റെ ഉള്ളടക്കം ഇപ്രകാരമായിരുന്നു, “അങ്ങയുടെ അജഗണത്തിന്റെ അവസ്ഥ വളരെ ദുരിതമയമാണ്‌. അവര്‍ക്കു വിശക്കുന്നുണ്ട്‌. അങ്ങയുടെ പ്രിയപ്പെട്ടവരെല്ലാം ഭയന്നരണ്ട അവസ്ഥയിലാണ്‌. ഞങ്ങളുടെയും അങ്ങയുടെയും കുഞ്ഞുങ്ങളുടെ ശാരീരികവും മാനസികവുമായ ആവശ്യങ്ങള്‍ നിറവേറ്റാന്‍ ഞങ്ങള്‍ പുരോഹിതര്‍ക്കും മതനേതാക്കള്‍ക്കും സാധിക്കുന്നില്ല. പരിശുദ്ധ പിതാവേ, അങ്ങയുടെ കുഞ്ഞുങ്ങളുടെ നഷ്‌ടങ്ങളെക്കുറിച്ച്‌ ഞങ്ങള്‍ ഭയമുള്ളവരാണ്‌. പ്രത്യേകിച്ച്‌ ചെറിയ കുഞ്ഞുങ്ങള്‍. അവര്‍ ദിനംപ്രതി ബലഹീനരായിക്കൊണ്ടിരിക്കുകയാണ്‌. അവരെ തട്ടിപ്പറിക്കാന്‍ മരണം തൊട്ടടുത്തുണ്ടെന്നു ഞാന്‍ ഭയപ്പെടുന്നു. ഈ ദുരന്തങ്ങളെ അതിജീവിക്കാന്‍ അങ്ങയുടെ അനുഗ്രഹങ്ങളും പ്രാര്‍ത്ഥനകളും ഞങ്ങള്‍ക്ക്‌ നല്‍കുക”. 
Share this article ->Share on FacebookShare on Google+Tweet about this on TwitterShare on LinkedInPin on PinterestEmail this to someone

അഭിപ്രായങ്ങള്‍ രേഖപ്പെടുത്താം

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. ദയവായി അവഹേളനപരവും വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായ പ്രകടനങ്ങള്‍ക്ക് marpapa.com ഉത്തരവാദിയായിരിക്കില്ല.

മലയാളത്തില്‍ അഭിപ്രായം രേഖപ്പെടുത്താന്‍ ഇവിടെ ക്ലിക്ക് ചെയ്യുക

Loading Facebook Comments ...

Leave a Reply

Your email address will not be published. Required fields are marked *

twenty − 1 =